2024-11-24
Close
2024-11-24
प्रमुख समाचार
जनकपुर । प्रदेश २ को प्रस्तावित राजधानी तथा धार्मिक नगरी जनकपुरमा अंग्रेजी नयाँ वर्ष २०२० को पूर्वसन्ध्यामा आज कलाकारहरु जनकपुर तताउने भएका छन् । पर्यटक देखि नेपाली युवा पुस्ता न्यु इयर इभ मनाउन तयारी अवस्थामा रहेको समयमा जनकपुरको रेल्वे स्टेशनमा सांगितिक कार्यक्रमको तयारी पुरा भएको छ ।
खासगरी नयाँ वर्षको पूर्वसन्ध्यामा धार्मिक पर्यटकीय नगरी जनकपुरको रेल्वे स्टेशन प्रांगणमा विभिन्न कार्यक्रम हुँदै छ । आयूशी ईन्टरटेन्टमेन्ट ईभेन्टम्यानेजमेन्ट जनकपुरको आयोजनामा मंगलबार साँझ सांगितिक कार्यक्रम हुने भएको छ । भारतका चर्चित कलाकार सभ्यता गिरी तथा नेपालका यूवराज केशरी, सरोज निरालाले आफ्नो प्रस्तुति दिनेछन् ।
आयूशी ईन्टरटेन्टमेन्ट ईभेन्टम्यानेजमेन्ट जनकपुरका अध्यक्ष तथा मोेडेल पुष्पा यादवका अनुसार न्यु इयर इभका अवसरमा भारत तथा नेपालका दर्जनौं कलाकार, गायक र मोडेलले साँझ सांगितिक प्रस्तुति दिदैंछन् ।
पुसको चिसोमा कलाकारको टिमले जनकपुरको माहोल तलाउने पक्का छ, कार्यक्रमका संयोजक निरज नेपालले बताए । विदेशी पर्यटकदेखि नेपाली सम्म न्यु इयर इभ मनाउँदै नयाँ वर्षलाई स्वागत गर्ने तयारीमा छन् ।
कार्यक्रममा मोेडेल माहि खान, ज्योती साह, शारथी लामा, आयूशा श्रेष्ठ, सन्ध्या मण्डल, समराट ठाकुर, प्रेम सिंह र रामसरोज यादवलले समेत प्रस्तुति दिदैंछ । गायक संजय यादव, रुद्र सिंह विश्वकर्मा, जागेश ठाकुरले माहोल तताउनेछन् ।
