2024-12-21
Close
2024-12-21
प्रमुख समाचार
अप्पन समाचार विपिन कुमार यादव, लहान ५ माघ ।१३ औं बलिदानीको अवसरमा समाजवादी पार्टीका अध्यक्ष उपेन्द्र यादब र प्रदेश २ का आर्थिक मामिला तथा योजना मन्त्री विजय यादब सहितका नेताहरुले लहान पुगेर शहिद महतोको शालिकमा माल्यार्पण गरेका छन् ।
अध्यक्ष यादब र मन्त्री यादबले शहिदको सपना पुरा गर्न अझै संघर्षरत रहेको बताएका छन् । उनीहरुले सहिदको सपरा पुरा गरेरै छाड्ने प्रतिवद्धता समेत जनाएको मन्त्री यादबका स्वकिय सचिव अजय यादबले जानकारी दिए । उनका अनुसार समाजवादी पार्टीका ठूलो संख्यामा पुगेका नेता तथा कार्यकर्ता शहिद शालिकमा माल्यार्पण गरेका हुन् ।
प्रदेश २ सरकार भने वीरगन्जमा बलिदानी दिवस मनाइदैछ । प्रदेश सरकारले बलिदानी दिवसको अवसरमा सार्वजनिक विदा समेत दिएको छ । वीरगन्जमा आज प्रदेश सरकारले शहिद परिवारहरुलाई सम्मान गर्ने कार्यक्रम पनि रहेको छ । राजपाले भने बलिदानी दिवसको अवसरमा लहानमा प्रभातफेरी गर्ने जनाएको छ ।
२०६३ साल माघ ५ गते भएको मधेस आन्दोलनका क्रममा सिरहा मझौराका विद्यार्थी रमेश महतो शहिद भएका थिए । उनको सम्झनामा हरेक वर्ष लहानमा बलिदानी दिवस मनाउने गर्छ ।
