2024-11-25
Close
2024-11-25
अप्पन समाचार जनकपुरधाम,१३ माघ । साउदी अरबमा हत्या आरोपमा मृत्युदण्ड पाएका उमेश यादव आज घर फर्किदै छन् । केहि दिन अगाडी नै काठमाण्डौं आइपुगेका उमेश आज धनुषाको कमला नगरपालिका ३ माची (घर) फर्किन लागेका हुन् ।
काठमाण्डौंबाट विहान साढे १० बजेको फ्लाइटबाट उमेश जनकपुर आउन लागेको उनलाई मृत्युदण्डबाट जोगाएका सामाजिक अभियंता सरोज राईले जानकारी दिए । उनका अनुसार उमेश आजै जन्मभुमि पुगेर आमा-बुवालाई भेट गर्नेछन् ।
उमेश केहिदिन घर बस्ने र पछि साउदीमै मृत्युदण्ड पर्खेर जेलजीवन विताइरहेका ५ नेपालीलाई अभियंता रायको सहयोगमा माफीका लागि पहल गर्ने छन् । साउदीबाट मृत्युदण्ड पाएकाहरुलाई फर्काउने अभियान चलाउने उमेश र अभियंता रायले बताएका छन् ।
उमेश आइतबार परराष्ट्र मंत्री प्रदिप ज्ञवालीलाई भेटेका थिए । सो भेटमा मंत्री ज्ञवालीले सहयोग गर्ने आश्वासन दिएका छन् ।
