2024-12-22
Close
2024-12-22
अप्पन समाचार,१५ माघ । धनुषामा बोलेरो र मोटरसाइकल ठोक्किदा दुइ जनाको मृत्यु भएको छ । बुधवार दिउँसो गणेशमान चारनाथ नगरपालिका—६ गोदारस्थित भएको उक्त दुर्घटनामा सोही वडा बस्ने मोटरसाइकल चालक ५० वर्षीय जोगेन्द्र साह र उनका पत्नी ४० वर्षीय प्रमिला साहको घटनास्थलमै मृत्यु भएको जिल्ला प्रहरी कार्यालय धनुषाले जनाएको छ ।
दुर्घटनामा मोटरसाइकमै सवार साहका ९ वर्षीय छोरा जोन साह समान्य घाइते भएको धनुषाका प्रहरी नायव उपरिक्षक रामेश्वर कार्कीले बताए ।
पुर्व पश्चिम राजमार्ग खण्डमा पश्चिमबाट पुर्वतर्फ आउँदै गरेको बा ६४ प ३०४८ नम्बरको मोटरसाइकल र विपरित दिशातर्फबाट आउँदै गरेको स १ च १८५८ नम्बरको बोलेरो ठोक्किदा घटनास्थलमै दुबैजनाको मृत्यु भएको प्रहरी नायव उपरिक्षक कार्कीले जनाए ।
मृतक श्रीमान श्रीमती दुबैको शव जनकपुरस्थित प्रादेशिक अस्पताल ल्याइ रहेको उनले बताए । ठक्कर दिने बोलेरो र चालकलाई नियन्त्रणमा लिइ घटनाबारे अनुसन्धान भइरहेको प्रहरी नायव उपरिक्षक कार्कीको भनाइ छ ।
