2025-01-15
Close
2025-01-15
विवेक गोइत,जनकपुरधाम : कोरोना संक्रमितको संख्या दिनानुदिन बढ्दै गएको बेला धनुषाको विदेह नगरपालिका ६ तिनकौरियामा एनआइसी एशिया बैंकमा दिनभर सेवाग्राहीको घुइचो लाग्यो । तर न बैंकका कर्मचारी सतर्कता अपनाएको देखियो, न सेवाग्राही ।
बिना मास्क सेवाग्राही घण्टौं लाइन बसेर सेवा लिए । बैंकका कर्मचारी कसैलाई भिडभाड नगर्न र मास्क लगाउन भनेनन् । बैंकको चरम लापरवाहीले तिनकौरियामा कोरोना संक्रमण फैलिने जोखिम बढेको छ । सेवाग्राहीको लाइन हेर्दा लाग्छ- जानी जानी कोरोना फैलाउने काम गरेको छ ।
कोरोना रोकथाम तथा नियन्त्रणका लागि सरकारले जारी गरेको मापदण्डको धज्जी उडाउने बैंकका कर्मचारीलाई कारवाही गर्नुपर्ने स्थानीय बुद्विजिवीको माग छ।
फोटो विवेक गोइत
