2025-01-03
Close
2025-01-03
प्रमुख समाचार
अप्पन जनकपुर/ जनकपुरधाम : पेस्तोल बोकेर हिड्ने दुई युवकलाई धनुषा प्रहरीले पक्राउ गरेको छ । पक्राउ पर्नेमा जनकपुरधाम उपमहानगर २५ लोहनाका २१ वर्षीय अजय राज कास्यत र सोही ठाउँका २४ वर्षीय सुनिल कुमार मण्डल छन् ।
विशेष सुराकीको आधारमा जनकपुरधाम उपमहानगर ७ मुसहरी टोलबाट उनी दुबैजनालाई एक थान कटुवा पेस्तोल र एक थान गोलीसहित पक्राउ गरिएको धनुषाका प्रहरी प्रवक्ता तथा डिएसपी मकेन्द्र मिश्रले जानकारी दिए । उनका अनुसार दुबैजना चढेको प्रदेश २–००३०० प ७३७७ नम्बरको मोटरसाइकल समेत बरामद गरिएको छ ।
पक्राउ परेका दुबै जनामाथि अनुसन्धान गरिरहेको प्रहरीले जनाएको छ । प्रहरीका अनुसार उनीहरु पेस्तोल र गोली खरिद गरेर आउँदै थिए । तर कुन व्यक्तिबाट खरिद गरेको विषयमा केहि खुलाएको छैन ।
