2025-01-15
Close
2025-01-15
विपिन कुमार यादव, जनकपुरधाम : जनता समाजवादी पार्टीका नेता तथा संघीय साँसद उमाशंकर अरगरियाले संविधान दिवस मनाउने कार्यको घोर भत्र्सना गरेका छन् ।
जनकपुर उपमहानगरपालिका ७ मा आयोजित एक समारोहलाई सम्बोधन गर्दै साँसद अरगरियाले भने, ‘बहुमतको दम्भमा जारी गरेको संविधान स्वीकार गर्न सकिदैन । शासकहरुले आज संविधान दिवस मनाउदैछन् । त्यसैले संविधान दिवस मनाउने कार्यको घोर भत्र्सना गर्दछु ।’
उनले असोज ३ मा मधेसी जनतासँग ठूलो धोका भएकाले कालो दिनको रुपमा विभिन्न विरोधका कार्यक्रम गर्न जनतासँग आह्वान समेत गरे । संविधान संशोधन गरी मधेसी, जनजाती, मुस्लिम लगायतका हरेक समुदायको अधिकार ग्यारेन्टी नगरेसम्म संघर्ष जारी राख्ने पनि बताए ।
जनता समाजवादी पार्टीले पनि विज्ञप्तरी जारी गरेर संविधान दिवस नमनाउने र विरोधका विभिन्न कार्यक्रम गर्न आह्वान गरेको छ । आज दिउँसो ४ बजे जनकपुरमा सो पार्टीले विरोध प्रदर्शन र साँझ साढे ६ बजेदेखि १५ मिनेट ब्लाक आउट गर्ने जनाएको छ ।
