2024-12-21
Close
2024-12-21
अप्पन डेस्क,जनकपुरधाम : महिला, बालबालिका तथा जेष्ठ नागरिक मंत्री लीलानाथ श्रेष्ठलाई आज गृह जिल्ला सिरहामा भव्य स्वागत गरिएको छ ।
मन्त्री बनेपछि पहिलो पटक सिरहाको चोहर्वास्थित घर पुगेपछि श्रेष्ठलाई नेता तथा कार्यकर्ता भव्य स्वागत गरेका हुन् । उनी आज विहान काठमाण्डौंबाट फ्लाइटमा जनकपुर विमानस्थल आए । सिरहाका सयौं नेता, शुभेच्छुक तथा आफन्तजन उनलाई स्वागत गर्न विमानस्थल नै पुगेका थिए ।
सिरहा क्षेत्र नम्वर ३ बाट निर्वाचित श्रेष्ठ मंत्री भएपछि सो क्षेत्रका जनता खु:शी भएका छन् । श्रेष्ठ मन्त्री भएपछि सिरहाबासी अत्यन्त खु:शी भएको प्रोग्रेसिभ ईन्जिनियरिङ एशोसिएसन नेपाल प्रदेश २ का सचिवालय सदस्य तथा सिरहा जिल्ला ईन्चार्ज इन्जिनियर रोशन यादवले बताए ।
मंत्री बनेकै दिन श्रेष्ठ जेष्ठ नागरिकको भत्ता ५ हजार पुर्याउने प्रतिबद्धता जनाइसकेका छन् । उनले सडक सञ्जाल बिस्तार, अस्पताल निर्माण, दलितका लागि सामुदायिक भवन तथा आवास कार्यक्रमलाई तीब्र रुपले अगाडि बढाउने बताएका छन् ।
