2025-01-15
Close
2025-01-15
विपिन कुमार यादव,जनकपुरधाम : धनुषामा एक बृद्व दम्पतिको ५ मिनेटकै अन्तरालमा मृत्यु भएको छ ।
शहीदनगर नगरपालिका १ का रामखेलाबन यादव र उनकी पत्नी सुमिन्त्रादेवीको सोमबार बिहान मृत्यु भएको हो । रामखेलाबन ९१ र उनकी पत्नी ८८ बर्षकी थिइन् ।
मृतकका छोरा उपेन्द्रका अनुसार बुवाको मृत्यु भएको ५ मिनेटपछि आमाको पनि मृत्यु भएको हो । बिहान ८ बजेर ५० मिनेतिर रामखेलाबन नित्यकर्म गरी बसिरहँदा एक्कासी उनको मृत्यु भएको थियो । त्यतिबेला घरभित्र रहेकी उनकी पत्नीले यो जानकारी पाएलगत्तै उनको पनि मृत्यु भयो ।
एक छोरा र चार छोरीका आमा–बुवा एकैपटक मृत्यु भएपछि स्थानीयले त्रेतायुगमा श्रवणकुमारका माता पिताले एकैपटक मृत्युवरण गरेको घटनालाई सम्झेका छन् ।
एकै दिन मृत्यु भएका दम्पतिको एउटै चितामा अन्तिम संस्कार गरिएको स्थानीयले जनाएको छ ।
