2024-12-30
Close
2024-12-30
अप्पन डेस्क,जनकपुरधाम : जिल्ला प्रशासन कार्यालय धनुषाले खोला, नदी तथा पोखरीहरु भित्र नपसी छठ पर्व मनाउन आग्रह गरेको छ । प्रशासनले दीपावली तथा छठ पर्वमा देउसी भैलो तथा जुवातास खेल्नमा समेत रोक लगाएको छ ।
कोरोना संक्रमणको विद्यमान अवस्थालाई मध्यनजर गर्दै आज जिल्ला संकट व्यवस्थापन समिति र जिल्ला सुरक्षा समितिको बैठकबाट दीपावली र छठ पर्वमा देउसी भैलो तथा जुवातास नखेल्न, खोला नदी तथा पोखरीहरु भित्र नपसी, भिडभाड नगरी स्वास्थ्य सुरक्षाका मापदण्ड पालना तथा भौतिक दूरी कायम गरी छ्ठ पर्व मनाउन जिल्लावासीसँग आग्रह गरिएको धनुषाका प्रमुख जिल्ला अधिकारी प्रेमप्रसाद भट्टराईले जानकारी दिए ।
प्रशासनले उक्त निर्णय विपरीत कुनै पनि कार्य नगर्न जिल्लावासीसँग आग्रह समेत गरेको हो । प्रशासनको निर्देशन विपरीत कसैले यस्तो कार्य गरेमा संक्रामक रोग ऐन, २०२० बमोजिम कारवाही गरिने प्रजिअ भट्टराईले बताए ।
