2024-11-23
Close
2024-11-23
जनकपुरधाम, फागुन २५ गते l प्रशासनले धनुषामा डीजे बाजामाथि कडाई गरिएको छ । राति ९ बजेदेखि बिहान ५ बजेसम्म डिजेबाजा बजाउन रोक लगाएको हो ।
यस्तै अश्लिल गीत बजाउन र आरकेष्ट्रामा रोक लगाएको छ । जिल्ला प्रहरी कार्यालय धनुषामा प्रहरी उपरीक्षक प्रकाश रानाभाटको अध्यक्षतामा बसेको धनुषा जिल्ला लाईट, साउण्ड तथा डिजे व्यवसायीहरुको बैठकले यस्तो निर्णय गरेको हो ।
कुनै पनि अवसरमा राति ९ बजेदेखि बिहान ५ बजेसम्म डिजे लगायत ठूलो आवाजमा बजाइने लाउडिस्पीकर नबजाउने व्यवसायीहरुले प्रहरी समक्षा निर्णय गरेका हुन् ।
यस्तै बिहान ५ बजेदेखि राति ९ बजेसम्म डिजे, साउण्ड अथावा लाउडिस्किर बजाउँदा छरछिमेकलाई डिस्टर्व नहुने गरी सानो स्वरमा बजाउने र छरछिमेकबाट गुनासो आए तत्काल बन्द गर्न निर्णय भएको प्रहरीले जनाएको छ ।
कुनैपनि अवसरमा अश्लिल तथा द्वि अर्थ लाग्ने गीत नबजाउने र कुनैपनि बहानामा आरकेष्ट्रा नाचहरु नगर्न प्रहरीले सूचना जारी गरेको हो ।
अन्य जिल्लाबाट आएका डिजे व्यवसायीहरुलाई यी निर्णयहरु मान्न प्रहरीले आग्रह गरेको छ । प्रहरी र लाउडिस्किर व्यवासयीबिच भएका ६ बुँदे निर्णय उलंघन गर्नेलाई बाजासहित नियन्त्रणमा लिएर कानुन बमोजिम कारबाही गर्ने प्रहरीले चेतावनी समेत दिएको छ ।
