2024-11-02
Close
2024-11-02
प्रमुख समाचार
जनकपुरधाम : धनुषाको जनकनन्दनी गाउँपालिकामा सामुदायिक दलान निर्माण हुने भएको छ । धनुषा क्षेत्र २ बाट निर्वाचित संघीय साँसद उमाशंकर अरगरियाको सांसदीय कोषबाट दलान निर्माण हुने भएको हो ।
शुक्रबार साँसद अरगरियाले एक कार्यक्रमबीच जनकनन्दनी गाउँपालिका २ बलहागोठमा सामुदायिक दलान भवनको शिलान्यास गरेका छन् । त्यस अवसरमा बोल्दै सांसद अरगरियाले यस क्षेत्रको विकासका लागि आफू सँधै तत्पर रहने बताए ।
बलहागोठमा सामुदायिक भवन नहुँदा स्थानीय वासीलाई कुनै भेला, कार्यक्रम गर्न समस्या हुन गरेको मध्यनजर गर्दै दलान निर्माण गरिने उनले बताए । सांसद अरगरियाको सांसदीय कोषबाट १० लाख रुपैयाँको लागतमा यो दलान निर्माण हुनेछ ।
दलान बन्ने भएपछि स्थानीयहरु हर्षित भएका छन् । स्थानीय रमण मंडलले दलान बनेपछि आफूहरुलाई सजिलो हुने बताए । शिलान्यास कार्यक्रममा स्थानीय नेताहरु जिवछ पगैहिया , अशोक मंडल, सत्यनारायण यादव , इन्द्र कुमार सहितकाले मन्तव्य व्यक्त गरेका थिए ।
