2024-11-24
Close
2024-11-24
जनकपुरधाम, २४ जेष्ठ : प्रदेश–२ को सोमबार सुरू भएको प्रदेशसभा बैठकमा पूर्व राष्ट्रिय जनता पार्टी (राजपा) का सांसद अनुपस्थित भएका छन् । पूर्व राजपाका सांसदको सोमबार बसेको बैठकले प्रदेश सभाको छैठौं अधिवेसनको पहिलो बैठकमा सहभागिता नजनाउने निर्णय गरेपछि उनीहरु बैठकमा अनुपस्थित भएका हुन् ।
जसपाभित्रको पूर्वसमाजवादी पक्षले एकतर्फी रुपमा संसदीय दलको नेतामा वर्तमान मुख्यमन्त्री लालबाबु राउतलाई बनाएकाले उक्त निर्णय सच्चयाउनुपर्ने पूर्व राजपा पक्षको माग छ । पूर्व समाजवादी पक्षले राउतलाई संसदीय दलको नेता चयन गर्दै पूर्व राजपाबाट मन्त्री बनेका जितेन्द्र सोनल तथा राज्य मन्त्रीहरु डिम्पल झा, सुरेश मण्डल र अभिराम शर्मालाई बर्खास्त गरेको छ ।
पूर्व राजपा पक्ष समाजवादी मनमानी तरिकाले पार्टी विधान विपरित संसदीय दलको नेता चयन गरेकाले आफूहरु प्रदेशसभाको बैठकमा सहभागी नहुने पूर्व राजपाका सचेतक परमेश्वर साहले जानकारी दिए । उनले अवैधानिक तरिकाले गरेको निर्णय नसच्याएसम्म प्रदेशसभाको बैठकमा सहभभागी नहुने बताए ।
