2024-11-24
Close
2024-11-24
प्रमुख समाचार
काठमाडौं – जनता समाजवादी पार्टी (जसपा) लगभग फुट्ने पक्का भएको छ। पार्टीभित्र देखिएको विवाद समाधानका लागि निर्वाचन आयोगमा दुवै पक्षबीचको आज भएको छलफलमा सहमति बन्न नसकेपछि पार्टी फुट्ने लगभग निश्चित भएको हो।
बैठकपछि सञ्चारकर्मीमाझ प्रतिक्रिया दिँदै महन्थ ठाकुर पक्षका नेता अनिल झाले दुई पक्षबीच कुनै सहमति नबनेको भन्दै अब अलग-अलग बाटो लाग्ने बताए।
आयोगले विवाद निरुपणका लागि आज छलफलमा दुवै पक्षलाई बोलाएको थियो।
छलफलमा महन्थ ठाकुर पक्षका महन्थसहित राजेन्द्र महतो, उमाशंकर अरगरिया, लक्ष्मणलाल कर्ण र सुरेन्द्र झा सहभागी थिए भने उपेन्द्र यादव पक्षबाट उपेन्द्रसहित महेन्द्रराय यादव, राजेन्द्र श्रेष्ठ र प्रकास अधिकारी सहभागी थिए।
