2024-11-25
Close
2024-11-25
प्रमुख समाचार
जनकपुरधाम । पूर्व मन्त्री एवं सांसद उमाशंकर अरगरियाले संघीयता भ्रष्टाचार गर्न मात्रै आएको हो भनी प्रश्न गरेका छन् ।
जनता समाजवादी पार्टीद्वारा सिरहामा शुक्रबार आयोजित कार्यकर्ता भेलालाई सम्बोधन गर्दै अरगरियाले प्रदेश २ मा व्याप्क भ्रष्टाचार भइरहेको बताए । प्रदेश २ मा सरुवा गराएर आउने कर्मचारीले रकम नदिएसम्म उनको पदस्थापनसम्म हसन नदिने गरेको बताए । ‘प्रदेशमा काम गर्न आउने कर्मचारीलाई ३ देखि ६ महिना यो दरबारदेखि त्यो दरबार गर्नुपर्छ’ अरगरियाले भने, ‘जबसम्म रुपैयाँ दिदैन तबसम्म एपोइन्टमेन्ट दिइँदैन् ।’
संघीयता आएपछि साइकल चढ्ने औकात नहुने रातारात अर्बबति र भूमिगतको नाममा चन्दा उठाउने व्यक्ति पनि करोडपति बनेको उनले बताए । ‘के संघीयता यसैका लागि आएको हो ?’ उनले प्रश्न गरे ।
उपेन्द्र यादव १८ महिनाका लागि सरकारमा जाँदा महन्थ ठाकुरले प्रदेशमा कुनै उलटफेर नगरेको तर १८ दिनका लागि आफूहरु सरकारमा जाँदा पार्टीकै मन्त्रीलाई हटाएर कांग्रेस र माओवादीलाई ल्याइएको बताए ।
माओवादी र कांग्रेसलाई सरकारमा ल्याएपनि प्रदेशको नामांकरण मधेश गराउन उनले आग्रह गरे । मधेश नामांकरण गरे आफूहरुका सबै सांसदले सहयोग गर्ने बताउँदै उनले तर गर्न नसक्ने पनि बताए ।
संघीयता र लोकतन्त्रको लागि आन्दोलन गरिरहँदा लुम्बिनी प्रदेशमा बहुमत सांसदले निर्णय गरेपछि पार्टीले ती सांसदलाई कार्वाही गरिएकोमा उनले बिरोध जनाए । उपेन्द्र यादवलाई इंगित गर्दै उनले भने, ‘कुन व्यवस्था चाहियो ? के राजा बन्न खोज्नुभयो ?’
