2024-11-25
Close
2024-11-25
जनकपुरधाम । सिके राउत नेतृत्वको जनमत पार्टीका कार्यकर्ताले एक प्रधानाध्यापकलाई चपलैचपलले पिटेर र्दुव्यवहार गरेको छ ।
धनुषाको सवैला नगरपालिका स्थित फकिर चन्द उच्च माध्यमिक विद्यालय बरकुर्वा, रघुनाथपुरका प्रधानाध्यापकलाई कुटपिट गरेका हुन् ।
विभिन्न मांग सहित पछिल्लो चार दिन देखि आन्दोलित विद्यार्थीहरुको मांग सुनुवाई नगरेको भन्दै जनमत पार्टीका कार्यकर्ताले आज कुटपिट गरेका हुन् ।
नियमित पठन–पाठन हुनु पर्ने, शिक्षकको व्यवस्थापन हुनु पर्ने, विभिन्न शुल्कको नाममा लिइएको रकमको विल विद्यार्थीहरुले पाउनु पर्ने, कक्षा ११ र १२ का विद्यार्थीहरुले पुस्तक पाउनु पर्ने, विद्यालयका नाममा आएका सामाग्रीहरु विद्यालयमा राख्नु पर्ने, विद्यालय सुधारका लागि सरोकारबालाहरुको बृहत भेला गरी अन्य विषयहरुमा निर्णय लिनु पर्ने लगायतका मांग गरेका छन् ।
