2024-11-23
Close
2024-11-23
काठमाडौं । यूएईमा जारी आईसीसी टी-२० विश्वकपमा आज भारत र नामिबिया खेल्दै छन् । यी दुई टोलीबीचको खेल साँझ ७ः४५ बजेदेखि सुरु हुनेछ ।
भारत र नामिबिया दुवै सेमिफाइनल दौडबाट बाहिरिएका छन् । दुवै टोली सुखत अन्त्य गर्न चाहन्छन् । भारतले चार म्याच खेल्दा दुईमा जित र दुई खेलमा हार बेहोरेको छ ।
नामिबियाले भने सुपर-१२ को एक म्याचमा पनि जित हात पार्न सकेको छैन । उसले पहिलोपटक विश्वकप खेलिरहेको हो । सेमिफाइनल दौडबाट बाहिरिसकेकाले भारतले आज प्लेइङ-११ मा चार खेलाडी परिवर्तन गर्ने सम्भावना छ ।
उसले रोहित शर्माको स्थानमा इशान किशन, मोहम्मद शामीको स्थानमा शार्दुल ठाकुर, जसप्रीत बुमराहको स्थानमा भुवनेश्वर कुमार र वरुण चक्रवर्तीको ठाउँमा राहुल चाहरलाई अवसर दिन सक्छ । जारी विश्वकपमा भारतले पहिलो दुई खेलमा पाकिस्तान र न्यूजिल्याण्डविरुद्ध लगातार हारको सामना गर्नुपर्यो ।
तेस्रो र चौथो खेलमा भने भारतले अफगानिस्तान र स्कटल्याण्डलाई हराएको थियो । विश्वकपलगत्तै भारतले घरेलु मैदानमा न्यूजिल्याण्डसँग टी-२० र टेष्ट सिरिज खेल्नेछ । टी-२० श्रृंखला १७ नोभेम्बरदेखि सुरु हुनेछ ।
भारतको सम्भावित-११ : केएल राहुल, इशान किशन, विराट कोहली (कप्तान), सूर्यकुमार यादव, ऋषभ पन्त (विकेटकीपर), हार्दिक पाण्ड्या, रवीन्द्र जडेजा, रवीचन्द्रन आश्विन, मोहम्मद शामी/शार्दुल ठाकुर, जसप्रीत बुमराह/भुवनेश्वर कुमार र राहुल चाहर ।
नामिबियाको सम्भावित-११ : स्टेफन बार्ड, माइकल भान लिङ्गेन, क्रेग विलियम्स, गेरहार्ड इरास्मस (कप्तान), डेभिड विसे, जेजे स्मिट, जेन निकोल लोफ्टी-इटन, जेन ग्रीन (विकेटकीपर), जेन फ्रिलिन्क/कार्ल बर्केनस्टक, रुबेन ट्रम्पेलम्यान, बेन शिकोङ्गो र बर्नार्ड स्कोल्ट्ज ।
