2024-11-28
Close
2024-11-28
रौतहट : भारतीय नम्बरको कार रौतहटमा दुर्घटना हुँदा चारजनाको ज्यान गएको छ । मृत्यु हुने चारैजना भारतीय नागरिक हुन् । यमुनामाई गाउँपालिका–५ जुनखुनुवामा शनिबार राति करिब १० बजेतिर कार दुर्घटना भएको हो ।
भारतको बिहार राज्यको बखरी बेतौना घर भएका अरुण साह र दिनानाथ साहको सनाखत भएको जिल्ला प्रहरी कार्यालय रौतहटले जनाएको छ । कारमा सवार अन्य दुई जनाको परिचय खुल्न सकेको छैन ।
शनिबार राति घटनास्थलमा खटिएका एसपी विनोद घिमिरेका अनुसार युके १२ सी २९०० नम्बरको कार सडक भन्दा तलको खाल्डोको पानीमा डुबेको अवस्थामा फेला परेको थियो ।
कारको सिसा फोडेर चार जना पुरुषलाई बाहिर निकालेर अस्पताल पु¥याइएको एसपी घिमिरेले बताए । अस्पताल पु¥याएलगत्तै चिकित्सकले चारै जनाको मृत्यु भएको घोषणा गरेका थिए । कारमा सवार चारै जना शनिबार चन्द्रनिगाहपुरमा रमालो गर्न भारताबाट नेपाल आएको बुझिएको छ ।
