काठमाडौं । गहुँ खेतीका लागि किसानले खनजोत गरिरहेका छन् । तर, बजारमा डीएपी मलको चरम अभाव छ । कृषि सामग्री कम्पनी लिमिटेडका अनुसार गहुँबालीका लागि ६० हजार मेट्रिक टन डीएपी मलको आवश्यकता छ ।

तर सरकारसँग मौज्दात १५ हजार मेट्रिक टन मात्रै छ । १० हजार मेट्रिक टन विदेशबाट आउने क्रममा छ । बाटोमा रहेको मल आइपुगे पनि यो वर्ष २५ हजार मेट्रिक टन मात्र मल किसानले पाउनेछन् । किसानले मागको आधा पनि मल नपाउने अवस्था छ ।

कृषि मन्त्रालय र मातहतका निकायहरू गहुँखेतीलाई आवश्यक मल उपलब्ध गराउन नसकिने ‘लाचारी’ व्यक्त गर्न थालेका छन् । कोभिडका कारण उत्पादक कम्पनीले नै कम उत्पादन गरेको र अन्तर्राष्ट्रिय बजारमै मलको भाउ बढेकाले पयाप्त खरिद गर्न नसकिएको कृषि सामग्री कम्पनी लिमिटेडले जनाएको छ ।

कृषिमन्त्री महेन्द्रराय यादवले अन्तर्राष्ट्रिय बजारमा मूल्य बढेका कारण पर्याप्तमात्रामा मल खरिद गर्न नसकेको बताए । उनका अनुसार मलसम्बन्धी खरिद ऐन पुरानो भएकाले पनि खरिद गर्न कठिनाइ भएको हो ।

किसानहरूको आवश्यकताअनुसार मल आपूर्ति गर्न नसकिएको लिमिटेडका सूचना अधिकारी राजेन्द्र कार्कीले स्वीकारेका छन् । ‘मलको माग अधिक छ,’ कार्कीले भने, ‘गत वर्षको जति पनि मल आउन सकेको छैन ।’ – अन्नपूर्ण पोस्टबाट

सम्बन्धित

पर्सा प्रहरीद्वारा सुन सहित सोनार पक्राउ

बारा प्रहरीद्वारा राजा मोहन विक्रम शाह बहुमुखी क्याम्पसका तत्कालीन क्याम्पस प्रमुख कुशवाहा हत्याको महाअभियुकत सुरेन्द्र पक्राउ

विवाह पञ्चमी महामहोत्सवलाई व्यवस्थित बनाउन २ हजारभन्दा बढी सुरक्षाकर्मी परिचालन

सप्तरीको मुतनीखोलामा पुल नबन्दा पिरलो

सशस्त्र प्रहरीद्धारा धनुषाको दुहबीमा लागु औषध दुर्व्यसन सम्बन्धी जनचेतनामूलक कार्यक्रम सम्पन्न

दुहबीमा अल्पसंख्यक समुदायसँग प्रहरी कार्यक्रम सम्पन्न

धनुषा : बोरामा बाँधेर फालिएको अवस्थामा एक किशोरीको शव फेला

सिडिओ कार्यालय महोत्तरीका नायब सुब्बा अशोक यादव घुससहित रँगेहात पक्राउ