2024-11-28
Close
2024-11-28
काठमाडौं : चुनावी तयारीमा लागेको जनमत पार्टीले ‘अपरेशन बुथ–बुथ मजबुत अभियान सफल बनाउन अध्यक्ष डा.सीके राउतले आह्वान गरेका छन् ।
दुई दिनसम्म चलेको केन्द्रीय कार्यकारिणी समिति बैकले पाँचबुँदे निर्णय गर्दै यस्तो अपिल गरेको हो । सो अभियान सफल बनाउन पर्यवेक्षकहरुसमेत तोकिएको छ ।
अभियानलाई भव्यताका साथ सम्पन्न गर्न समस्त नेता तथा कार्यकर्ताहरुमा आह्वान गर्दै अध्यक्ष राउतले शुभकामनासमेत व्यक्त गरेका छन् ।
यसैगरी, मंसिर २८ र २९ गते बसेको केन्द्रीय समितिको विस्तारित बैठकले पारित गरेका निर्णयहरु लागू गर्न र ल्याएका कार्यक्रमहरुलाई प्रभावकारी रुपमा सञ्चालन गर्न आवश्यक गृहकार्य गरी अगाडि बढाउने केन्द्रीय कार्यकारिणी समितिको बैठकले निर्णय गरेको छ ।
सो केन्द्रीय समितिको बैठकमा प्राप्त प्रतिवेदन र प्रगति विवरणहरुलाई जिल्लागतरुपमा समीक्षा गर्दै हरेक जिल्लालाई आवश्यक निर्देशन दिने निर्णय गरेको छ ।
यस्तै, पुस ५ गते सोमबार विभिन्न जिल्लामा हुने जिल्ला समन्वय समितिको पूर्ण बैठकमा केन्द्रबाटै तोकेर प्रशिक्षक पठाउने र बैठकलाई प्रभावकारी रुपमा सञ्चालन गर्न आवश्यक निर्देशिका र प्रशिक्षण सामग्रीसमेत उपलब्ध गराइने जनाइएको छ ।
