2025-01-17
Close
2025-01-17
जनकपुरधाम । राष्ट्रिय सभा सदस्य निर्वाचनका लागि प्रदेश २ मा ६ जनाले उमेदवारी दिएका छन् । दुई सिटका लागि हुने निर्वाचनका लागि मंगलबार जनकपुरस्थित प्रदेश निर्वाचन कार्यालयमा ६ जनाले उमेदवारी दर्ता गराएका हुन् ।
पाँच दलीय गठबन्धनबाट सिरहाका खालिद सिद्धिकी र पर्साकी उर्मिला अर्यालले उमेदवारी दर्ता गराएका छन् । खालिद जनता समाजवादी पार्टी (जसपा) नेपालका हुन् भने अर्याल माओवादी केन्द्रकी हुन् ।
सत्तारूढ दलहरूले गठबन्धन बनाए पनि प्रमुख प्रतिपक्षी एमाले र लोकतान्त्रिक समाजवादी पार्टी (लोसपा) नेपालले छुट्टाछुट्टै उमेदवारी दिएका छन् । लोसापाबाट सप्तरीका श्याम सुन्दर सरदार र महोत्तरीकी रूपमा यादवले उमेदवारी दिएकी छन् ।
सरदार प्रदेश सरकारले गठन गरेको दलित विकास समितिको सदस्यसमेत हुन् ।
यसैगरी एमालेबाट रौतहटकी विना साह र पर्साका उसमान अन्सारीले उमेदवारी दिएका छन् ।
एमाले केन्द्रीय कार्यालयले धनुषाका असर्फी भिनवारको नाम सार्वजनिक गरेपनि अन्तिम समयमा उनको ठाउँमा उसमानलाई उमेदवार बनाएको हो ।
