2024-11-24
Close
2024-11-24
जनकपुरधाम । राष्ट्रिय यूवा संघ नेपाल धनुषाले आज जनकपुरधाममा सरकार विरुद्ध विशाल प्रदर्शन गरेको छ ।
सरकारले स्थानीय तहको निर्वाचनको मिति घोषणा र हिंसात्मक अभिव्यक्ति दिने मन्त्री रेणु यादवलाई बर्खास्त गर्न नचाहेको भन्दै यूवा संघले प्रदर्शन गरेका हुन् । प्रदर्शनमा सहभागीहरुले मन्त्री यादवलाई बर्खास्त गर, स्थानीय तहको निर्वाचनको मिति घोषणा गर, अपराधी देउवा सरकार मुर्दावाद जस्ता नारा लगाएका छन् ।
प्रदर्शन संघका प्रदेश अध्यक्ष जानी खान मधेसीको प्रमुख आतिथ्य र रामउदगार यादवको अध्यक्षतामा गरिएको छ । संघका प्रदेश अध्यक्ष जानी खान मधेसीले अगामी निर्वाचनमा एमाले दुई तिहाई बहुमत ल्याउने डरले निर्वाचनको मिति घोषणा गर्न नचाहेको आरोप लगाए ।
यूवा संघले यसअघि पनि जनकपुरमा हिंसात्मक अभिव्यक्ति दिने मन्त्री यादवलाई बर्खास्तको माग गर्दै प्रदर्शन गरेको थियो । मन्त्री यादवलाई बर्खास्त नगरे सरकारविरुद्ध कडा आन्दोलन हुने उनीहरुको चेतावनी छ ।
