2024-11-24
Close
2024-11-24
जनकपुरधाम । मधेश प्रदेशको धनुषा जिल्लाका एक सँचारकर्मीको बैँक खातामा अचानक ७ लाख रुपैयाँ आएको छ ।
धनुषा जिल्लाको क्षीरेश्वरनाथ नगरपालिका वडा नम्बर ६ सखुवा टोल बस्ने सँचारकर्मी रोहित खनालको एभेरेष्ट बैँकको खातामा ७ लाख रुपैयाँ आएपछि उनी आश्चर्यचकित भएका छन् ।
मंगलबार साँझ ५ः३० बजेको समयमा उनको खातामा ७ लाख रुपैयाँ आएपछि उनी चकित भएका छन् । उनले आफ्नो कुनै आफन्त वा कुनै काम वापत नै कसैले भुक्तानी नगरेको बताएका छन् ।
उनको मोबाईलमा आएको एसएमएस अनुसार अपरान्ह ७ लाख रकम वितरणको नाममा आएको छ । उनको मोबाईलमा डिसबर्समेन्ट (वितरण) को विवरण सहित खातामा पैसा आएको हो ।
यस सम्बन्धमा एभेरेष्ट बैँकको हेडक्वाटरले वितरण शिर्षकमा ७ लाख रुपैयाँ जम्मा भएको स्वीकार गर्दै कसले कसरी राखेको वा भूलवंश गएको भन्नेबारे बुधबार विहान १० बजेपछि मात्र भन्न सकिने जनाएको छ ।
