2025-01-21
Close
2025-01-21
जनकपुरधाम । नेपाल कम्यूनिष्ट पार्टी (माओवादी केन्द्र) का राष्ट्रिय अध्यक्ष पुष्पकमला दाहाल प्रचण्ड भोली मँगलबार धनुषा आउन लागेका हुन् ।
धनुषाको शहिदनगर नगरपालिकाको मेयर पदमा पुनः उम्मेदवारी दिएका उदय कुमार बरबरिया (यादव) को चुनावी सभालाई सम्बोधन गर्नको लागि प्रचण्ड धनुषा आउन लागेका हुन् ।
गत वि.सं. २०७४ सालको स्थानीय तह निर्वाचनमा भारी मतले निर्वाचित भई पुनः मेयर पदमा उम्मेदवारी दिएका बरबरियाको चुनावी सभामा हजारौँको सँख्यामा भोली शहिदनगरवासी ओर्लिने बताइएको छ ।
प्रचण्ड मँगलबार बिहान करिब १० बजे हेलिकप्टर मार्फत यदुकूहा आउने भएको छ । यदुकूहामै राखिएको चुनावी सभालाई सम्बोधन गर्न प्रचण्ड धनुषाको शहिदनगर आउन लागेका हुन् ।
यदुकूहास्थित रहेको उच्च मावि यदुकुहाको प्राँगनमा हेलिकप्टर ल्याण्ड गरिने जनाइएको छ । प्रचण्डको स्वागतको सम्पूर्ण तयारी समेत भएको जनाइएको छ ।
