2024-11-25
Close
2024-11-25
श्याम गुप्ता
बारा, ८ असार । बाराको जीतपुरसिमरा नगर उद्योग वाणिज्य संघको यहि असार ११ गते हँुने चुनावको अहिले निकै चर्चा अनि परिचर्चा भइरहेको छ । यति बेला चुनावमा बिभिन्न प्यानल चुनावी मैंदानमा उत्रिएका छन् । चुनावी मैंदानमा मनोज गुप्ता नेतृत्वको एउटा समूहले आफ्नों प्रचारलाई तिब्रता दिएको हो । उक्त प्यानलबाट बरिष्ठ उपाध्यक्षमा मनोज गुप्ताले उम्मेदवारी दिनुभएको छ । गुप्ता कै नेतृत्वमा बनेको प्यानलले अहिले धमाधम घरदैलो गरिरहेको छ । पछिल्लो समय गुप्ता उद्योग बाणिज्य संघको कार्यसमितिको दुई कार्यकालका लागि सदस्य, दुई कार्यकाल कोषाध्यक्ष र अहिले उपाध्यक्ष पदमा रहेर काम गरी सकेका अनुभवी युवा उद्यमी तथा व्यापारी समेत रहँनु भएको छ । अहिले गुप्ताको बिषयलाई लिएर बजारमा निकै गर्मा गर्मी चलेको छ । सो प्यानलका बरिष्ठ उपाध्यक्ष पदका उम्मेदवार मनोज गुप्ताले आफ्नों प्यानल निर्वाचित भए पछि खस्किदो व्यापार मन्दिलाई बिकास गर्ने बताउँनु भयो । व्यवसायीको समस्या पहिलो प्रार्थमिक्तामा राखिएको भन्दै उहाँले जीतपुरसिमराको व्यापारलाई सरकारसँग छलफल गरि समाधानको प्रक्रियामा अगाडि बढ्ने बताउँनु भयो ।
बाईट ः– मनोज गुप्ता, वरिष्ठ उपाध्यक्ष उम्मेदवार, जीतपुरसिमरा नगर उद्योग वाणिज्य संघ …………………
गुप्ता नेतृत्वको प्यानलको उमेदवारीलाई लिएर जीतपुरसिमराका व्यवसायीहरुले उद्योग बाणिज्य संघको चुनाव आउँदै गर्दा युवाहरूलाई समेटेर युवाले नैं नेतृत्व गरेको टिम प्रती केहि आशा र बिश्वास व्यावसायिक हकहितका लागि देखा परेको टिप्पणी गर्दै गुप्ता नेतृत्वको टिम प्रती जीतपुरसिमराका व्यवसायीले सकारात्मक रुपमा लिएको बताएका छन् । गुप्ता नेतृत्वको प्यानलमा सफल सञ्चार उद्यमी देखि सफल महिला व्यवसायी सम्म रहेका छन् । सामाजिक क्षेत्रमा समेत सक्रिय गुप्ता नेतृत्वको प्यानलका उम्मेदवारहरु आफ्नों प्यानल विजयी हुँनेमा आशावादी देखिएका छन् । गुप्ताको प्यानलबाट वाणिज्य तर्फ उपाध्यक्ष पदमा संतोष कुमार गुप्ता, उद्योग तर्फ उपाध्यक्ष पदमा दिपक गुप्ता, महासचिव पदमा अनिल तिवारी, कोषाध्यक्ष पदमा अम्मर यादव, वाणिज्य तर्फ सचिव पदमा कृष्णा प्रसाद साहले उम्मेदवारी दिनुभएको छ । यसैगरी, उद्योग तर्फ सदस्यहरुमा रीना रौनियार पुरी, र श्रवण प्रधानले उम्मेदवारी दिनुभएको छ । यस्तै, वाणिज्य तर्फ सदस्य पदमा कृष्ण प्रसाद लामिछाने, ठाकुर प्रसाद खतिवडा, प्रदिप कुमार, प्रेम प्रसाद साह, राजिन्द्र गौतम, रामप्रसाद गौतम –नवराज), रेवती देवकोटा (रेखा) हुँनुहँुन्छ ।
