2024-11-25
Close
2024-11-25
अप्पन जनकपुर
जनकपुरधाम । धनुषाबाट हतियारसहित सोमबार तीन जना भारतीय पक्राउ परेका छन् ।
बीआर ०६ एपी ३००८ नम्बरको मारुती सुजुकी कारमा सबार उनीहरुलाई विदेह नगरपालिका १ महिनाथपुरबाट हतियारसहित पक्राउ गरिएको सशस्त्र प्रहरीले जनाएको छ । उनीहरु जनकपुरधामबाट भारततर्फ गइरहेका थिए ।
पक्राउ पर्नेमा भारतको बिहार राज्य अन्तर्गत मुजफरपुर ७ साहेबगंज निवासी २९ बर्षीय राहुल रंजन, २० बर्षीय उज्जवल कुमार र २६ बर्षीय संजय कुमार छन् ।
उनीहरुको साथबाट मेड इन यूएसए लेखिएको ७.६२ एमएमको एक राउण्ड गोली लोड भएको पेस्तोल बरामद भएको सशस्त्र प्रहरी निरीक्षक दिलेन्द्र खत्रीले जानकारी दिए । कारको अगाडिपट्टीको बायाँ साइडको सिटमुनी उक्त पेस्तोल राखेको अवस्थामा बरामद भएको उनले बताए ।
हतियारसहित पक्राउ परेकाहरुलाई आवश्यक कार्वाहीका लागि ईलाका प्रहरी कार्यालय खजुरीको जिम्मा लगाइएको सशस्त्र प्रहरीले जनाएको छ ।
